| 学粤语视频教程 |
| 本教材为粤语会话三月通视频教程，其课程内容根据粤语常用情景会话编写，共分三部分，第一部分粤语概说与语音，介绍粤语的声、韵、调及特点，对在发音上与普通话不同的地方，作简要的说明。第二部分以句型为主，在情景会话中进行反复操练，第三部分，分主题介绍粤语地区生活习惯，并继续学习句型和粤语习语。第二，第三部分每课除会话、句法说明、补充词语之外都有练习题并附有答案。本片拍摄内容丰富多采，充分体现广东特色，演员皆广东本地人，表演贴切到位，发音准确。 |
 |
当前位置：粤语学习网首页>>粤语教程>>学粤语视频教程>> |
| 3.5 旅游 |
|
第五课 旅游 男：阿芳，你话我哋去边度度蜜月好呢？ 女：我点知吖，我又唔熟悉呢度嘅风景。不如你讲俾我听吖。 男：我有本书，攞俾你睇。你钟意自然风景定系人文风景？ 女：自然风景。有边度好玩？ 男：最有名嘅系肇庆。 女：绍兴？ 男：唔系浙江嘅绍兴，系肇庆。喺广州西便百几公里。肇庆有星湖风景区同鼎湖山自然保护区。星湖风景区有七星岩，系石灰岩，有好多溶洞，曲折幽深。 女：哇，星湖嘅水好清好清啊。 男：唔单只大湖里边水好，就连路边嘅水塘都系蓝绿色闪闪发光个啵。 女：咁犀利啊。要去睇下先得。咁鼎湖山呢？系唔系好似个鼎o敢样？ 男：唔系。鼎湖山原名顶湖山，山顶嘅顶。因为山顶上面有个湖，四季不枯。后来有人将黄帝铸鼎嘅传说移到呢度，先至改成一只鼎嘅鼎。(www.fyan8.com) 女：o敢鼎湖山有乜嘢好睇嘅呢？ 男：有瀑布啦，原始森林啦。你知啦，地球上便北回归线呢一圈唔系沙漠就系高山，冇乜嘢好风景，但系鼎湖山就唔同喇，有好多珍贵嘅植物，动物，所以被称为北回归线嘅明珠。七九年嘅时候就加入咗世界自然保护区网。你睇下，湖光山色，神仙住地啊。 女：你咁清楚嘅？ 做过导游啊？ 男：系啊。我舅父住喺肇庆，我去过好多次喇。有两次就系带朋友同事去嘅。 女：o敢样啊，我哋唔好去喇。揾一个我哋都冇去过嘅地方啦。 男：其它风景区，好似丹霞山，西樵山，靓都几靓，不过玩嘅地方少啲。 女：人文景观呢？ 男：广东省人文景观冇几多。最集中嘅就系广州喇。广州喺近代现代历史上好了得个啵。嗱，越秀公园里便有镇海楼，系广州历史博物馆，仲有总理纪念碑。 女：即系孙中山纪念碑？上便刻住孙中山嘅遗嘱嗰个？我上过去喇。上到碑顶仲可以睇到整个广州市容。（站长站长百度Hi：3596388） 男：仲有中山纪念堂，黄花岗七十二烈士墓，农民运动讲习所等等。好啦，听日就带你去黄花岗喇。 |
| 粤语学习图书 |