第四课 饮茶
C:请问几位？
A:两个。
C:呢便请。请问饮乜嘢茶？
A:乌龙。
C:稍等。
B:以前以为“饮茶”就系饮茶，其实系食点心。
A:唔单只食点心。嗱，有啲系一边食嘢一边睇报纸，有啲系几个朋友聚会，倾计，有啲系喺度倾生意。好多阿公阿婆朝早喺公园锻炼身体，完咗就嚟呢度一边饮茶一边叹世界。(服务员回来后)你钟意食乜嘢自己攞吖。
B:有乜嘢？
C:凤爪，豉汁排骨，牛百叶，糯米鸡，虾饺，肠粉。
B:肠粉系乜嘢？
A:米粉蒸成嘅筒状点心，里便有猪肉馅或者牛肉馅，乜嘢馅都冇嘅叫斋肠。
C:而家有牛肉吖。
B:好吖，要一碟。仲要凤爪。
C:嗰度有啲可以自己攞嘅点心。
A:好，我去睇下。(A返回后)嗰度仲有猪脚姜同牛杂。
B:猪脚姜系乜嘢?
A:猪脚姜系用猪脚，子姜，鸡蛋，甜醋煲嘅汤。广东风俗，女人生仔之后，屋企要煲猪脚姜。
产妇，屋企人，客人都饮。好有营养嘅。
B:嗯，好食。广东菜就系好食。
A:粤菜呢比较清淡，清蒸多，红烧少，炒蔬菜都比较生，青青绿绿，好好睇。
B:我知。粤菜讲究色香味俱全。你妈妈整嘅冬菇酿肉，焖牛腩，盐局鸡，我一睇到闻到就流口水。(www.fyan8.com)
A:呢啲都系家常餸。听日我请你去酒楼食一餐靓嘅。
B:唔使喇。去酒楼太贵。
A:唔贵，广州酒楼多，间间都好平，五六百文一围，湿湿碎。
B:我仲系想去太排档。系喇，大排档到底系乜嘢意思啊？
A:大排档就系喺街边嘅售货摊。有啲饭店将台凳摆喺露天，都叫大排档。
B:即系中低档嘅摊档店仔？
A:冇错。(服务员路过)有乜嘢粥吖？
C:有皮蛋粥，及第粥，鱼片粥。
A:要鱼片粥啦。(客服，百度Hi：3596388)
B:上海而家都有广东粥卖，不过味唔正。我好钟意食广东粥，汤我就唔钟意喇，里便挤药材嘅。
A:广东人注意补身健身，乜嘢时候食乜嘢都有讲究。饮汤系最重要嘅补身之道。喺汤里便加党参，北芪可以补气，加当归补血，加淮山健胃，加枸杞子益肝，等等。
B:系o敢。以后我都要饮多啲汤，好好哋补下。仲要饮多啲凉茶。
A:冇错，好似王老吉，夏桑菊，五花茶，解热气好有效o架。而家有冲剂，即冲即饮，好方便o架。
B:食饱喇。
A:o敢埋单啦。(站长)