第三部分 第一课 交通
林哥，劳烦你嚟接。
唔好咁讲，一家人，我帮你攞，唔使喇。
哗，你哋带咗咁多行李啊。
都系俾亲戚朋友嘅礼物。
登机办托运时仲交咗超重费添。
路上几好嘛？
好顺利，由上海到广州只要个几个钟。
仲快过从机场返屋企。
系啊。
市内塞车塞起身都好个几钟先返到屋企。
飞机系乜嘢型号吖？
波音七三七，好稳阵。
喂，点解唔行个条路？
个条路系单行线，唔俾行架。
原来系咁。(粤语学习网 www.fyan8.com)
而家报告路面交通情况，请各位司机注意，
解放中路由南向北方向行车缓慢，
中山三路由于交通事故双向堵塞。
又出交通事故，大佬，唔使开咗快啦，仲系小心啲好。
下次返去时我想坐沪港直通车。
好啊，我已经同你问过喇，硬卧先四百，平过机票好多。
听讲呢趟车好舒服啵，坐其他车好逼嘎，直通车就唔会。
梗系啦，唔知要提前几耐买车票呢？
听讲可以买七日内车票，仲可以提前七日到两个月预定。
有直通车从上海去香港就方便喇。
由广州去就更方便，有轮船，有火车，有飞机，一日几班，仲有快艇添。
前便就到喇，司机，唔该停喺个个车站度。
获取更多的粤语会话三月通的同步文字内容请联系：