第九课 施授
本课句型
1.畀杯水我。
2.我将字典畀咗细佬。
3.交作业畀老师。
4.我冇买乜嘢东西畀佢。
5.你畀不畀我？ (注：“畀”也可写作“俾”或“比”)
情景会话
阿哥，畀杯水我。
嗱。
帮我打电话畀公司请假未啊？
打过嘞。
有冇睇到我嘅字典？
字典？冇睇到，你记唔记得挤咗喺边度？
到处都搵过嘞。
有冇借畀人啊？
冇啊，我冇将字典借畀人啊。啊！搵到嘞。
阿芳，阿全病咗，你买啲乜好嘢畀佢啊？
冇买乜嘢，使乜买嘢畀佢。
畀啲慰问啦，生果啊，卡啊(www.fyan8.com)。
畀多个袋我。
好。
唔该畀35蚊半嚟啦。收你40蚊，赎翻4蚊半畀你。
程老师叫你快啲将作业交畀佢。
我已经将作业交咗畀班长嘞，班长冇交畀老师咩？
你喺度做乜嘢啊？
畀翻我！你畀唔畀我啊？
唔畀！唔畀！
畀我。
你话畀我听，呢封信系唔系男朋友写畀你嘅。
唔话畀你知，快啲将信还翻畀我啊。