|
第一集
Charlene：薰啤啤呀，今日放学我的点呀？
朱薰：羊点啫？
Charlene：你阿妈今晚又夜返屋企又冇人勒嘛！
朱薰：今晚要读书呀！听日先啦！
Charlene：羊啫？敢你听日屋企有人呀嘛，一系敢勒，我今晚上你屋企一齐读呀！
朱薰：都话唔得咯！第日先啦！
Charlene：耶！
Charlene：我系Charlene，今年读紧中六，同朱薰呢拍拖已经有五年几勒，佢成日都唔爹唔吊敢架，不过我又钟意佢唔爹唔吊㖞，因为我知道我要佢保护嘅时候呢佢就会出现架啦，中一嘅时候佢高我成个头咁多架。第一次喺学校见到佢，佢剪左一个陆军装。我喺canteen度买左一个面食，好鬼死硬㖞，但系个校工呢又唔肯换畀我㖞。朱薰响我隔篱见到我妙晒嘴敢，问都唔问就攞左个面同校工理论勒！
朱薰：你再唔换碗面畀我，我就即刻话畀校长听呀！
Charlene：个校工呢就即刻换左碗面畀佢㖞，重放多两条肠落去添呀！
朱薰：拿，留返柱肠畀我呀！
Charlene：哦！
Charlene：呢句就系佢第一句同我讲嘅说话勒，冇几耐我的就一齐走勒。虽然我觉得佢呢排对我冷淡左啲，可能系升上预科功课压力大挂，我有阵时都会煲啲凉茶佢饮架，不过佢又怕苦㖞，所以呢我又会加啲糖水，嘻嘻！总之呢我觉得佢重钟意我啦！
朱薰：你……今晚……得唔得闲呀？
Gillian：做羊呀？想约我呀？
朱薰：唔，冇呀，我想睇吓你即系得唔得闲咋嘛！
Gillian：即系点呀？你都未讲去边，就想我同你出去呀？
朱薰：冇呀，睇吓你睇左嗰套《心动》未咋嘛！有冇兴趣呀？
Gillian：唔……我未睇呀！
朱薰：敢……今晚八点喺总统等呀！
Gillian：我都……我话未睇咋嘛，但系我都冇话应承同你去睇呀！
朱薰：呀……敢……即系……即系
Gillian：玩你咋，今晚八点见啦！
朱薰：呀……喂喂喂喂，即系你唔好话畀……
Gillian：得喇，我唔会话畀你个Charlene听架！
Gillian：我系Gillian，今年Form Six，我拍过三次拖，两次同女仔，一次同个男仔，我钟意畀人惜嘅感觉，所以我对每一个人都好好，等佢的都对我好好呀嘛，Charlene对我好好架，因为佢系我好好嘅朋友，朱薰都对我好好啫，因为佢钟意我啰！
Charlene：佢呀，今晚呀又话温书喇，又话唔同我一齐勒，敢呀人的几晚都冇呀嘛！
Gillian：冇羊呀？
Charlene：冇羊，冇揽啰，好惨架，不如我的今晚唱K啦，唱通宵等我忘记佢呀！
Gillian：哎呀……又唔系分手，等你分手先啦！
Charlene：我啋，乜你敢咒我架！
Gillian：讲吓笑咋嘛！咁认真做羊啫，惊我抢左佢呀？
Charlene：唔……唔会嘅，我知道薰猪唔会趸低我嘅！
Gillian：哎呀……知喇知喇！知你的好喇！
Charlene：唔……你都好呀！唔讲喇，今晚Q你啦！拜拜！
（戏院）
朱薰：唔……
Gillian：唔……羊啫？
朱薰：唔……睇紧戏呀嘛，出羊声啫？
Gillian：喂，我觉得呢，你有啲似依个莫文尉呀！
朱薰：边……边度似啫，佢长头发架嘛！
Gillian：哎呀，唔系讲个样呀，系啲性格似呀，钟意梁咏琪又唔敢讲哩！
朱薰：我……我边有钟意梁咏琪啫！
Gillian：如果朱薰真系同我讲，话佢钟意我，哎呀，敢点算呢？Charlene又系我好朋友㖞，朱薰又对我好好㖞！哎呀，呢个问题通常都系冇答案架，直到有一日佢出现！
同学：喂，Charlene呀，听讲话今日有个男仔插入嚟我的班㖞！
Charlene：系呀，好紧张呀，未试过有男仔嚟我的个班架！
同学：陈sir够系男仔咯！
Charlene：哎呀，如果系靓仔就好喇，唔知佢ICQ个nickname系乜野呢！
同学：喂…醒吓啦，你个朱薰成大个凸左喺度呀！
Charlene：哎呀…唔好咁大声畀佢听到呀！
同学：系你唔好咁大声讲呀！
陈sir（清清嗓子）：系真嘅，真系有插班生呢回事嘅！
Charlene：都叫你唔好咁大声架啦！
陈sir：但系呢，呢个插班生呢第一日呢就迟到啦！
阿占（喘晒气）：我…SORRY呀，我去错左第二个班房所以迟到，SORRY呀，陈SIR！
陈SIR：好呀，敢你先同全班同学介绍吓自己先啦！
阿占：我叫阿占呀，我喺张如城纪念中学转过嚟架。我初嚟暴到，请多多指教！如果，我唔知男厕喺边呀，你的记住话畀我知。敢其实呢度有冇男厕？
陈SIR：好咯好咯好咯，唔好咁多野讲住，你坐喺Gillian隔篱啦！
阿占：哦…好呀！
陈SIR：重唔过去？坐啦！
阿占：敢，请问边个系Gillian呀？
Charlene：呢度呀，傻佬！
阿占：哦！哦！
Charlene：喂，我系Charlene呀！
阿占：哦，敢唔系Gillian羊？
Charlene：嗰个先系Gillian呀嘛！（全班大笑）
朱薰：低B仔！
Charlene：喂，嗰个傻仔坐你隔篱，点啫？
朱薰：有冇得点啫，咪又系男仔一个！
Charlene：又唔系问你！又唔系坐喺你隔篱，点啫，Gillian？
Gillian：冇乜野呀，又唔系未见过男仔，不过有啲怪呀，无啦啦一个男仔又会转过嚟读间女校嘅！
Charlene：敢你唔问佢？
Gillian：问羊啫，又唔系好熟！
Charlene：敢熟啲问呀！
朱薰：问问问…你好想知人啲野羊？
Charlene：唓！人的八吓咋嘛！
Gillian：我今日同佢都讲唔够十句野，谰cool敢，我净系知道呢佢重用紧神奇笔盒架，揿个掣个温度计会弹出嚟嗰啲呢！
Charlene：哗，咁型呀！
朱薰：实型啦！
朱薰：唔知点解喺我面前嗰两个女仔突然之间两眼发光，好似未见过男仔敢，男仔咋嘛，有乜咁出奇啫，重要呢个男仔不修边幅，第一日返学又迟到，头发又乱，揳衫揳一边唔揳一边，讲野唔知讲乜。啊，做羊呀？我妒忌佢呀？我使妒忌佢？
Charlene：喂，不如我的去食寿司呀！
Gillian：我唔去喇，我走先喇！
朱薰：吓，做乜唔去呀？
Gillian：我…我有啲野搞呀！
Charlene：敢好啦，朱朱呀，敢我的去撑台脚！
朱薰：喂，你有羊搞啫？你又未食饭，一齐去啦！
Gillian：我都系唔去喇，我打畀你的呀！
Charlene：敢好啦，拜拜！喂，我的唔好烦住佢喇，可能佢要拍拖呢，通气啲啦，拜拜！
Gillian：拜拜！
Charlene：拜拜啦，Gillian！
Charlene：啤啤呀，好辣呀，辣到人的啲眼水都标晒出来啦，你重唔攞纸巾同人的抹眼水？
朱薰：我帮你去厕所攞厕纸呀！
朱薰：喂，Gillian呀，你返到屋企未呀？
Gillian：我就返到喇！
朱薰：成个钟都未返到呀？喂，其实你返屋企有羊搞啫？
Gillian：呀，我总言之有啲野啦！
朱薰：一系晏啲出嚟呀！
Gillian：出嚟呀？呀，都OK嘅，但系你唔系同Charlene食紧寿司羊？
朱薰：啊？敢食完，咪嚟啰！
Gillian：敢好啦，你打畀我啦！
Charlene：咁耐架？！…又话攞纸巾嘅，纸巾呢？
朱薰：哦……我而家返去厕所度攞呀！
朱薰：送左Charlene返屋企之后，我就去左Gillian屋企楼下，我见到佢间房着左灯，我就打电话畀佢，但系电话未接通，我就见到……阿占，你喺度做羊呀？
阿占：我……敢你喺度做羊呀？
剧集选择：第一集 第二集 第三集 第四集 第五集 第六集 第七集 第八集 第九集 第十集
|