| 一些事一些情 |
《一些事一些情》是一个关于感情的的电台节目。 |
 |
当前位置：粤语学习网首页>>一些事一些情>> |
“一些事一些情”暴笑网络小说
第一回 情场双低 琴日D friend为阿智改作个新名，叫智智，真系笑到我要生要死。节目完左之后阿智皱住眉头讲，无念到甘大年级仲比人甘叫法，真系羞家。话个秘密比你地知呀，其实阿智都人到中年了，做好多野都力不从心，比如戒女。今晚节目被cut，我系屋企无聊，同同事借左个《大事件》来煲，回味番一次d经典抢战场面。突然之间我既手机响左，原来系智智打黎既，距叫我去番我地成日去既个间酒吧，话有急事商量。我放低电话之后就离开左屋企。 “hugo ！呢次真系大件事了，头先珠江台领导打电话比我，话我地既节目————” 听到呢度，我心里一沉，吾通我同智智既果件事比珠江台领导发现左？今次真系弊家伙了。 第二回 被cut风云 “系咪果件事被领导发现左呀？”我一坐低就拿拿临问智智。 “我吾想见到你个瘟神！扯啦！”罗杰嘭门。 第三回 色诱罗杰 接住落黎一连等佐几日，都吾见果个friend回番mail比我，呢个时候我有d心急啦，个friend一D声气都无，会吾会一时念吾开做傻事架？吾得，我要尽我能力抄距出黎。 跟住我就佐上我地《一些事一些情》既官方论坛www.ppq.com.cn稳下睇过有无一个叫OL既人，果然，好快比我稳到佐呢个人既资料，我搜索距发过既贴，发现上面都系一D好悲观既内容。于是乎我系论坛上发贴求助，问有边个 friend知道OL更加详细既资料，一位friend好快甘复佐我，话OL曾经系距既网友，原名叫吴等洗，系四十七中读书，关于距既其他事就一概吾知。四十七中？咪即系我母校？个friend系我校友黎葛喔。有佐呢个甘重要既线索，我决定听日去四十七中去稳呢个叫做吴等洗既friend。《一些事一些情》开办甘耐以黎，秉承住“FRIEND黎葛嘛”呢句口头禅，帮过无数既FRIEND解决过距地既感情问题，但都系系口头语言上帮，今次我决定打破呢个惯例，亲自上门去，用实际行动黎支持我地呢位朋友。 第二日，我黎到四十七中，呢度既变化真系大。宜家都已经放暑假喇，但学校为左捞到更多既钱，利用暑假呢个大好时机，开设佐吾少既补习班，所以成个学校D人都吾算少。睇匀晒甘多补习班，都系补d中英数之类既，无厘新意。我突发奇想，几时我同智智一起开番个恋爱补习班，一定会好受欢迎，到时候咪同我地班FRIEND系甘咦收番少少学费，咪当系炒更咯。念念下吾觉意就黎到佐训导处。入去之后，一个个样同陈老师（陈扬）有几分相似既老年人坐系办公台前面睇紧一本书。我行过去问距：“啊SIR，请问你系吾系训导主任呀？” “系------系呀！有咩事？”训导主任好慌失失甘将本书摆系旁边，我瞄佐一眼，封面上写住“夫妻性生活大全”。 我忍住笑严肃甘问距：“你好，训导主任，我想麻烦你帮我稳下你地学校既一个学生，距个名叫吴等洗。” “吴等洗？”训导主任念佐下，“距前两个礼拜已经退佐学喇，我记得好清楚，因为系我帮距办退学手续既。” “咩话？距退佐学？咩原因呀？” “真实原因我都吾系甘清楚。” “甘你地有无距屋企既地址呀？” “你系距？” 两分钟后，距番佐黎，递佐张纸条比我，“据我地所知，距系一个人系出面租屋住。拿！呢个系地址。” “吾该晒！！”我告辞佐训导主任，落佐楼。 突然间念起头先训导主任慌张藏书既场面，我疯狂大笑。笑声响砌学校既上空。 吾知边位靓仔嗌佐句：“系HUGO呀！我认得距把笑声阿！”“真既？” 我回头一睇，吓出一身冷汗，一大帮既学生向我拥埋黎。 “HUGO！帮我签名呀！我好中意听你同智智做节目架！” “你地睇，HUGO既头发上有只乌蝇，好型呀！” “HUGO既两只袜吾同颜色葛喔！仲有距间杉，透明架！睇到胸前既两撇毛，好SEX呀！” 见到呢种情形，我脑里面即刻浮现出一个“闪”字，以最快既速度逃离佐七十四中学。其实我既本意并吾系想回避班FRIEND，只系当时实在太多人喇，为佐我既安全着想，唯有甘做喇。正所谓“留得青山在，不怕没材烧”。念深一层又觉得呢句野用系度又吾系几适当喔。不过话时话，我甘做，一定好HURT班 FRIEND既心喈。 依照训导主任比我既地址，终于稳到佐系某个小区既住所。 我敲门。 黎开门既系一位浓妆艳抹既中年女子，距一见到我，就捉住我只手好爹声爹气甘问：“哥哥仔！一个人黎HAPPY呀？快D入黎喇！”跟住就扯佐我入去。 我入到间屋入面，发现呢度乌烟瘴气，几个身上长晒彪肉既男人坐系一张梭发上，身边揽住一个至两个既女仔。头先扯我番黎既女人问我：“哥哥仔，系吾系熟人介绍架？我地呢度D女质素好好架！价钱保证系全市最平。”跟住又对住间房大嗌：“啊雁，BOBO，快D出黎呀！黎招呼下呢位哥哥仔喇！” 到佐呢个时候我终于知道，呢度原来系个鸡窦！我即刻想走，但只手比个女人死死甘捉住。“仲未玩甘快就走啦！最多我计你平D喇！我地呢度d女既服务态度保你满意架！” “我------我行错地方呀！我宜家要走啦！你吾好再拉住我-----你-----快d放手！” 突然之间度门比人踢开佐，冲入黎一班人，手上楂住抢。 “差人！全部吾准郁。举高双手，对住栋墙牟低。快！” 全屋既男男女女都吓到吾敢出声，唯有照做。我拍住一位带头差人既博头，感激地说：“阿SIR，你地黎得真系及时葛皆，我比呢个女人缠住甩吾到身，多得你地既出现。” “废话少讲，系吾系听吾明我讲野呀？牟低呀！” “啊SIR，我系无辜葛喔！” “快呀！再吾系一抢打爆你个头。” 我只好照做，系栋墙前面牟低。心念：天呀！今次真系跳入黄河都洗吾清喇。 我被班差人带番差馆。经过办理佐相关手续，我系傍晚时分被家人报释出黎。 出黎之后我老豆同我讲“阿仔呀！都叫佐你吾好随便去埋d吾三吾四既地方架喇，呢件事万一扬佐出去，你仲边有面继续系珠江台捞呀！”跟住又引用佐香港前财政司司长梁锦松既一句名言：“真系有几风流就有几折堕咯！” 之后我不断为自己辩驳，但老豆就系吾信我。 哎！今次吾单止稳吾到个friend，仲搞出佐一件甘既丑事黎，真系头头碰着黑阿！ ------ 今日系星期六，夜晚我要番珠江台，同智智主持节目《一些事一些情》。黎到珠江台广播大楼既大堂，比我撞到佐罗杰。 “hugo！乜甘岩呀？黎做节目呀？不过你都白黎一趟喇，珠江台既领导话，你同阿智今晚吾驶佐节目阿！” “咩话？吾驶做？节目又要被cut？” “准确甘讲，吾系节目被cut，系你同阿智要被cut。今晚既《一些事一些情》由我黎做主持，如果无意外既话，以后都系。” “你------”我一时语塞，无念到珠江台既领导甘快就做佐决定。我突然之间念起佐丁丁，吾通距既行动失败佐？ 罗杰好似睇穿佐我念乜，“hugo！你系咪念紧丁丁呀？哈哈！果个女人收佐我d钱，就咩都讲晒出黎喇，我一早就念到吾会有甘大只鸽纳随街跳架喇，既然会有女人钟埋个头过黎我呢度？话多件事比你听呀！其实我根本就吾中意女人架！我只对一D man 既男人有兴趣。” “你——你搞gay架？” “呢个已经系dj界公开既秘密喇。只有你呢d做part time DJ同丁丁莫凡果D TV节目主持人先会吾知。自从我系中学同个女仔排拖之后，我先清楚甘知道我需要D乜野，我需要既，系男人结识既胸膛，同强劲既臂弯！我好渴望可以得到男人既爱护，呢几年黎，我一直稳紧我心目中既真命天子，但系个天总系中意玩弄人，我既梦中情人一直都无出现过，但系我相信，系不久既将来，我一定会遇见距既。” 我霎时打佐个冷震。 “哎，hugo，一场friend，连我中意man男呢个秘密都吾知，睇黎你仲吾系真正甘了解我。”罗杰讲到动情之处，轻轻甘抚摸住我只手。 我即时缩手，成身起晒鸡皮。无念到，罗杰距竟然有甘既嗜好。 “hugo，你都系吾好甘大念头喇，我既魅力虽然吾及你，但我既IQ就高过你多多声喇！试问你同阿智又点够我威？！88先喇！”罗杰向我挥手，扭住屎忽上佐楼。 我呆佐甘企系原地。 呢个时候我熟悉既手机铃声响起，我一睇来电显示，系阿智。 “hugo！呢次弊喇！珠江台领导头先致电我，通知我同你今晚吾驶做节目呀！” 原来一切都系真既！ 我彻底陷入佐绝望当中。 “罗杰，我知道系你，你把甘难听既声我成世都会记住。我，系阿盖达组织既一名阿头，俗称揸fit人。宜家命令你即刻停止做节目，如果吾系，我地将会策划一次类似911既恐怖袭击，而目标就系你家阵身处既位置———珠江台大楼。我地经过精密既测量，你所处方位已被我地既仪器锁定。如果再比我地系电台入边再听到你既一丝喘气声，我地将会启动今次代号为——KLJ（KILL LUO JIE ）既行动。你放心，目标只系你一个，其他无辜既人将吾会受到任何既损伤，包括系你附近既HUGO同阿智。” 罗杰块面红到发紫。 “罗杰，乜今次知惊勒咩？你都有今日喇！”我同智智系一旁嘲笑距。 “吾好*我！”罗杰成个人好似中佐邪甘，冲佐出去。我地想追都追吾上。 罗杰狼狈而逃，楼下响起佐雷鸣般既欢呼声。 呢次“被CUT风云”系我同智智默契既一笑之中画下句点。 自从果日之后，罗杰成个人就音讯全无。 今日下昼同班friend去体育中心打网球，出佐一身热汗。话时话今日认真吾好彩，频频打吾中个波吾单止，仲吾小心扑佐几街，搞到比d波友当笑柄笑餐懵。所以完场既时候，成个人心情都好down。行系番屋企既路上，发现系天河城行过去果条街开佐间新既凉茶铺。门口企住个五岁左右既肥仔，执起地上一个人地丢低既一次性纸杯，对住个杯口屙尿。 我觉得个肥仔生得几可爱，行过去捏住距块面话：“肥仔，你拽拽喇！” 个肥仔觉痛，狠狠地咬佐我只手一下。 “哎呀呀！”我大嗌。 肥仔转身飞奔入凉茶铺内。 我摸住只瘀佐既手，眼神同时向凉茶铺内瞄佐一眼。突然之间我瞳孔变大，一个绝世美女射入眼中。 哇！广州版梁咏琪！？好索呀！我流晒口水。 原来果个靓女系呢间凉茶铺既店员。 我对距一见钟情。 还惦个口都干干地，入去买杯凉茶饮都好丫，仲有机会搭讪添。 “靓女，吾该比杯凉茶我呀。” “一杯，好既！” “你地呢度新开架？好似上次经过既时候吾见有既？” “系呀！今日先开张架！以后就多D黎帮衬喇！” “呢层当然。你地呢度既电话NUMBER几多呀？以后我想饮凉茶既时候可以叫你地送上门阿嘛？” 靓女一面既惊奇望住我：“先生，吾好意思呀！我地凉茶铺无送上门服务架！”跟住将杯凉茶摆上台面， 我自觉失言，系喔！边有送凉茶送到上门架。HUGO，你真系大懵喇！ “哦~~~SORRY呀！”我椤起台上既一杯“凉茶”，一饮而尽。 咦！点解D凉茶好似有D咸咸地既，吾通系最新研制既产品？ “先生，吾系果杯，系呢杯呀！”靓女指住台上既另一杯凉茶。 我睇到个肥仔系一边偷笑。 我突然间好似有所觉悟，吾同我头先饮既果杯野，系个肥仔既~~~~~？尿？！ “呕！” “先生，你无事啊嘛？” 我死顶：“我无事！”如果吾系个“梁咏琪“系度，我一早就发威打佐个肥仔一餐喇。 “奇怪喇！呢度点解无端端会有杯野系度既。”靓女一脸既疑惑。 睇黎呢个是非之地不宜久留，但我仲未同个“广州梁咏琪”要到电话number喔。系呢种矛盾既心理之下，我决定椤个肥仔黎过乔。 我真系想将个肥仔尸解。 “先生，吾好意思呀！呢位系我细佬，距个名叫作白壮，头先距并吾系想闹你。” 死肥仔，睇系你系靓女细佬既份上，就放你一马先。 “哦！吾知呢位弟弟既家姐叫咩名咧？” “我叫颖怡！” “无念度呢位弟弟既家姐吾单止人靓，连个名都起得甘好听喔。” 白壮：“做戏做得好假！” “壮仔，点可以甘吾礼貌架！”颖怡转过身同我讲：“呢位先生，我个细佬吾听话，你吾好怪距呀！” “哦吾会吾会。”我比个靓仔搞到真系生不如死，都系快d进入正题算啦。 “吾知我可吾可以同呢位颖怡小姐做番个friend甘咧？” “家姐，都话佐条佬系有目的既拉！” “细佬仔吾好甘多事。”颖怡盯佐白壮一眼。 “靓女介吾介意留低个电话甘呢？” “哦！吾介意。呢个系我地铺头既电话。”颖怡椤佐张名片过我。 “甘就吾该晒先啦！我仲未自我介绍，我叫bingo!” “bingo?!听落你把声有几似珠江台果个DJ hugo喔！吾知距有无你甘肥呢？” “吾知咧？”我心头一震，原来呢位颖怡系我地既fan黎架。 “我系翻版hugo！”白壮系一边大嗌。 我见目的已经达到，今日就先到此为止。我企起身，准备返归。 颖怡：“bingo,你杯凉茶仲未饮呀！” “系喔，差d吾记得佐添。”我匆匆饮完杯凉茶，同颖怡告别后，离开。 我走出凉茶铺既时候，听见白壮同距既家姐讲佐一句： “家姐，条佬一睇就知系只披住羊皮既狼啦！以后距打电话黎千祈吾好接距既皆。” 你个死仔包丫！今日真系差D比你累死喇！我好吾忿气甘念。 晚黑冲完凉，上佐我地既官方论坛ppq.com.cn去睇Dfriend既留言。近排网上流传太多所谓我同智智既靓照，但全部都系流野利既。有D friend既做法实在有D令人不敢认同，频频放D傻仔既相上去，话系我地，系一定程度上严重侵犯佐我同智智既声誉。对于呢类型既贴，被我睇到既后果只有一个，就系完完全全甘cancel佐距。 我漫不经心甘浏览住帖子列表，一个久违佐既名再次甘出现系我既眼前——OL？！ OL!你终于肯现身勒咩？ 为佐吾打草惊蛇，我扮作一位《一些事一些情》既忠实听众，利用“木村”呢个名发佐个信息比距，大致内容系大家既然friend一场，想同距系qq上吹下水。目的系为佐了解距宜家既实际情况。 好快，OL复佐我，话佐距既qq号码比我。 我查找，加距。 以下系我同OL既qq聊天内容。 木村：hi！你就系OL？ OL：系呀。Friend黎葛嘛！ 木村：梗系，friend，有无睇论坛上果篇《大话hugo》呀？好搞架！ OL：有，我念系friend既都应该睇过，当我第一次睇到第三回既题目“色诱罗杰”既时候，我就觉得呢篇小说有野搞。 木村：系咯，你宜家系边度上紧网？ OL：系海珠区呢边既xx网吧。 木村：哦，你屋企都系果头架？ OL：我无屋企，宜家寄住系一个熟人果度。 木村：无屋企？你阿爸阿妈呢？ OL：我阿妈同人地走佐佬，阿爸受吾住刺激，跳江自杀。我宜家无依无*，居无定所，系个名副其实既野种子。 木村：咪住，阿妈走佐老，老豆自杀？点解个案例甘熟既？你老豆以前既职业系？ OL：性病专家。 木村：生前系吾系曾经有人稳过距做珠江台既一个性病讲座架？ OL：系呀。你点知？(待续) |
|
| 栏目：最新一些事一些情在线播 一些事一些情经典语句 一些事一些情暴笑网络小说 | |
| 更多：粤语之男仔追女仔，女仔追男仔秘技大全 点样沟女 一个广州靓女 同居日记 广州拍拖文化 如何维持异地恋 男仔对女仔讲嘅霖话 一个女仔同男仔嘅故事 |
|
| 本站每周更新提供最新的一期的一些事一些情节目在线收听，绝对不卡哦！欢迎收听^_^ |
| 粤语学习图书 |