粤语学习网(学说广东话)
当前位置:粤语学习网首页>>粤语教程>>
粤语笑话-我、你、佢
演讲者:黄俊英  
  好耐以前,有个蠢仔读书,读极都唔明,激到佢嘅先生扎扎跳。有一日,先生教“我、你、佢”三个字。佢对嗰个蠢仔呢就话喇:“嗱,呢三个字嘅解法好简单架啫”,个先生指住自己就话喇:“我系你嘅先生”,又指住蠢仔话:“你系我嘅学生”,再指住另一个,“佢就系你嘅书友,明白未?”嗰个蠢仔笑口噬噬咁话:“咁简单一讲就明啦!”放学返到屋企,蠢仔嘅老豆就问佢喇番:“喂,今日先生教乜嘢课俾你吖?”蠢仔就话喇:“好简单啫!教三个字——我、你、佢”。然后佢就学正先生咁架款,指住自己就话:“我系你先生”,指住老豆话“你系我嘅学生”,于是指住老母话:“她,就系你嘅书友,明白未?”
  呢次撞正大板啦!佢老豆一听恼到头壳顶飙晒烟,指住嗰个仔就大声咁闹:“混你嘅账!乱噏!我系你老豆,你系我嘅仔,佢,系你嘅老母!记住!以后仲系乱噏野呢,我句打到你三跳四,明白未?”“明……明……明白啦!”(http://www.fyan8.com)
  明鬼明马咩!嗰个蠢仔俾老豆闹到三魂唔见咗七魂,个心谂:“都唔知先生讲得啱,抑或老豆讲得啱?”佢谂来谂去仲系觉得老豆讲得啱听啲。
  第日又上课喇,先生又问嗰个蠢仔喇番:“仲记唔记得:我、你、佢嘅解法吖?”嗰个蠢仔企起身就话喇:“梗系记得啦!”指住自己就话:“我系你嘅老豆,你系我嘅仔”,指住另一个女同学话:“嗰个女同学,佢就系你嘅妈妈”。(众笑:哈哈哈!)
说明: 1、本内容节选自《广州话训练教程》一书,如果您喜欢,您还可以到书店或网上购买该教材; 2、 获取本文同步MP3音频请联系 或
相关课程:从零开始学粤语mp3   实用广州话300句mp3   地道广州话mp3   Cantonese Learning