主要女角色：

阿思 性格：冷静大胆，有领导能力，4个女仔中既领导者
嘉嘉 性格：因为系校花，最重视自己个样貌，中意俾男仔追（有D自恋性格）。
阿琪 性格：人如其花名——为食猫一只，个性神经大条。
lingling 性格：天真、胆小，比较少说话，常常依赖阿思，不过系音乐学院既超强女高音。

主要男角色：

阿乐 性格：外形俊朗，谈吐成熟，有让人捉摸不定的感觉（失惊无神走出黎果只），实际身份系不能转生逗留人间既幽灵。

故事对白：
第一幕
旁白：万圣节，系死神带领亡灵重返人间既日子，响万圣节，曾经发生过甘样一件恐怖又温情既故事，而故事就开始响某音乐学院既四个女学生身上…….
落课钟声……
班主任：“好嘞，今个学期最后一堂课就到呢度，希望大家好好享受暑假啦！落课！”
众学生：“好野….!”
人流声……
阿思：甘又放假嘞，喂，lingling、嘉嘉，有咩节目啊？
lingling：吓？我…..无啊，不如阿思你话事啦。
嘉嘉：你问lingling都多余既，距咩都听晒你话架啦！至于我呢，话晒我都系校花，梗系大把男仔约我啦，你地吾使同我担心嘞。阿思你不如问下阿琪有咩提议好过啦。
阿琪：你问我啊？我甘中意食野，放假梗系尽情去食餐懵噶啦
阿思、lingling、嘉嘉（齐声）：为食猫即系为食猫，阿琪无得救噶啦……
嘉嘉：就系吾明点解只猫成日食野，都吾见距肥得好紧要，难为我KEEP身材KEEP得甘辛苦。

阿琪：呢D野你系羡慕吾黎噶咯，如果你好似我甘食，好快就变肉海肥花啦，仲要系猪肉个肉啊！哈哈哈！
嘉嘉：边个系肉海肥花啊？鬼吾望到时有人稳你拍“肥猫外传”。。。。
阿琪：虾！等我辣手摧咗你呢棵残花先！
两人打闹中。。。。。

阿思：喂！咪玩住啦，我有个好提议，天文台话下星期呢度有流星雨出现啊，而睇得最清楚既就系离呢度无几远既一个离岛，不如我地去睇下咯。
lingling：睇流星雨？我未睇过啊！我都好想去睇下，好似几过瘾甘。
嘉嘉：到时应该会有好多靓仔都会去播，同一个俊男响月光下共同见证流星划过既一刻，实在太浪漫啦~~~我要去，我要去啊！
阿琪：死姣野，净系挂住D男人，我就好简单既，有好野食就去边都撑你！
阿思：果晚会有睇流星雨啦，加埋美味BBQ，仲有浪漫既爱情故事，甘各位小姐满意未？
嘉嘉、阿琪、lingling：一、二、三！举脚赞成！
海浪声……
旁白：离岛上，四个女仔同一个叫阿乐既男仔不期而遇，阿乐外貌俊朗，谈吐风趣，加上飘忽不定既性格，深深甘吸引咗呢四个少女，连个性成熟既阿思都无例外。响阿乐既陪伴下，四个女仔度过咗一个愉快既假期。流星雨出现果晚，四个女仔都各自许咗一个相同既愿望………
阿思、嘉嘉、阿琪、lingling：希望我可以再见到距………

第二幕
旁白：转眼暑假过咗去嘞，阿乐无再出现过，亦无同呢几个女仔联络过，一直到万圣节前夕，当呢几个女仔以为再都见吾到果个男仔既时候，距地都收到同样一个电话…….
阿乐：你记得我吗？阿乐啊！我想约你10月30号果日去翻果个岛上面开万圣节PATTY，我会响你第一次遇见我既果个地方等你….
阿思、嘉嘉、阿琪、lingling：好啊，我一定会去架。（好甜蜜地）

旁白：就甘样，四个女仔各自怀住可以同心上人独处既愉悦心情，响10月30号万圣节晚上，出现响呢个充满回忆既岛上面，但去到约定既地点，竟然同另外三个女仔撞到正……..

阿思、嘉嘉、阿琪、lingling：吓？系你地?（惊讶地）
阿思：吾通…..你地都收到阿乐电话？
lingling：连阿思你都……点解你吾话我知既?（抱怨）
嘉嘉：哼！彼此彼此啦！你话阿思过黎都吾话你知，但你过黎都无同我地任何人讲过姐。
lingling：我…….
阿琪：睇黎大家都有D私心播！哈哈….
阿乐：喂！四位小姐，等咗好耐啊？
阿思、嘉嘉、阿琪、lingling：阿乐！（惊喜地）
阿乐：哈哈，SORRY，要你地等，罚我帮你地拿野啦，黎，快D啦！PATTY就快开始啦。
阿思：阿乐，PATTY响边度开啊？
阿乐：呢！你睇吾睇到啊？山顶果间大屋啊，PATTY就响果度举行。沿住条山路行就到，快D跟我行啦。
嘉嘉：好啊，不过上山甘辛苦，如果我行吾郁阿乐你要孭我架！（撒娇）
阿乐：呵呵，好啊。
阿琪：哼！又响度发花癫！(低声说)

插入上山既脚步、夜晚乌鸦叫声…
突然有树枝断裂声….
lingling：啊~~~~（尖叫）
阿思：lingling你无野啊嘛？
阿琪：无事啊，我踩断条树枝之嘛，lingling出名细胆架啦，大惊小怪！
嘉嘉：好心D人无胆就吾好学人参加万圣节PATTY啦！等阵见到D人扮到离奇古怪甘样，仲吓死你啊！
lingling：吓~~？真架？（有点害怕）
阿思：你地吾好再吓距啦！
阿乐：你地依家就话惊啊？讲样野你地知你地仲惊啊！开PATTY果间屋既地下，其实之前系乱葬岗黎架，不过屋主听人话果度系风水宝地，所以先响果度起咗呢间屋。我地响果度开万圣节PATTY，就系贪距够恐怖啊。
响起恐怖背景音乐
嘉嘉：你吾好再讲啦，好恐怖啊~~
阿琪：系咯，我直头好似听到D恐怖音乐响耳边添啊~~~

lingling：我都听到啊~~~~~阿思！！！
阿思：叫咩啊？系我既手机铃声之嘛，我有电话入啊！
嘉嘉：你变态架！？用D甘既铃声！？（怒）
阿琪：真系心血少D都俾你吓死！
一声电话键盘声
阿思：喂….
电话另一边：喂，系咪女生宿舍啊？
阿思：吓？咩啊？
电话另一边：我呢度系男生宿舍啊！有个贼潜咗入我地宿舍，偷咗何小明摆响床头用剩半支既痔疮膏！如果你地见到个贼记得通知我地，我地一定会……
电话断电关闭声音
阿思：喂，喂…..啊，俾D无聊人打到电话无晒电添！出门果时吾记得充电。
阿乐：哈哈，阿思都有大头虾既时候啊！
阿思（心想）：仲好讲,咪因为你咯…..
阿乐：好啦！几位小姐，我地到咗啦！呢度就系我地今晚狂欢既地方嘞!
阿思、嘉嘉、阿琪、lingling：哗~~~！（惊叹）
lingling：阿思….间屋好似好恐怖啊~~
阿思：既然都黎到嘞，咪入去睇下咯，放心啦，有我…..仲有阿乐响度。
旁白：四个女仔响阿乐既带领下，黎到咗呢个充满恐怖色彩既大屋前，之后距地又会遇到D咩离奇既事呢？请继续留意故事发展……

第三幕
旁白：10月30日万圣节，阿思、嘉嘉、阿琪同lingling四个女仔，响一个叫做阿乐既男仔带领下，黎到咗一间充满恐怖色彩既大屋前，准备参加一个万圣节既庆祝PATTY，而响呢间大屋既门后面，到底有D乜野等住呢四个女仔呢？
lingling：阿思….间屋好似好恐怖啊~~
阿思：既然都黎到嘞，咪入去睇下咯，放心啦，有我…..仲有阿乐响度。
lingling：哦….
嘉嘉：系咯，有咩事既话，阿乐记得保护我啊！
阿乐：呃………哦~~（无奈）
阿琪：哎！花姐你吾好成日发姣啦！阿乐你咪理距。最紧要话我知，个PATTY有无好野食先？
阿乐：梗有啦！好啦，甘多位女士，我地吾好企响门口斋讲啦，一切既野，入到去你地自然会知道架啦！
阿思：好呃！
lingling：嗯！
阿琪：好！我要大擦一餐先得！
嘉嘉：好！我要识多几个男仔….同女仔先得！阿乐你千祈吾好误会我啊，我识男仔只系想交几个纯洁得好紧要既朋友咋！
阿思、lingling、阿琪：唉~~想死….（无奈地）

推开大门的声音
入屋脚步声
传来吵杂的人声同音乐声
阿琪：咦？里面好似无外面甘恐怖播？
lingling：系咯，好似仲几热闹添啊！
阿思：甘lingling你就吾使惊啦。
阿乐：好啦，四位小姐，我地快D加入个PATTY尽情甘玩啦！
嘉嘉：好啊！我要阿乐你等阵陪我跳返PART舞！
阿思：系甘就快D行啦！仲等政府落批文咩？
嘉嘉、lingling：GO~~！
阿思：咦？听吾到只猫叫既？阿琪呢？
阿乐：呵，距已经开始咗距既工作嘞。
阿琪（远处，口里塞满食物）：啧啧啧(咀嚼声)….哗！呢个正！我最爱既榴莲班戟啊！仲有CHEESE CAKE添！我要晒！

嘉嘉：死为食猫！甘无义气自己一个人行先？等埋我啊！
lingling：我黎啦！
阿思：呵呵。
跑过去的脚步声
神秘屋主（戴住南瓜头突然闪出来）：HI！小妹妹！你好啊！
lingling（吓一跳）：啊~~~！阿思！有个南瓜头好恐怖啊！
嘉嘉：哗！？咩黎架？
阿乐：哈哈，戴夫先生，你吾好玩呢几位小姐啦！我同你地几位介绍，呢位系呢间屋既主人，戴夫先生。而呢位小姐分别系阿思……嘉嘉…..同lingling，响食物枱果边系度疯狂扫枱既果位小姐，就叫做阿琪。
戴夫（除下南瓜面具）：哈哈哈，阿乐真系乖仔，几位美丽既小姐你地好，今晚吾使客气，希望你地能够玩得尽兴D，（提高音量向阿琪说）嗨！阿琪小姐，你都食得尽兴D啦！（回过头有礼貌地说）我仲有D客人，失陪先。
阿琪（远处，口里塞满食物）：得啦！你吾使客气！我会当自己屋企一样架啦！
阿思：好啊！多谢你既招待。
戴夫离开的脚步声。。。
戴夫与其他客人打招呼（远处）：HI，好耐无见，你好吗。。。。
其他客人（远处）：可以啦。。。。。（声音渐细）

嘉嘉：呵呵，南瓜头叔叔都几砖头文（gentleman）播~~！
lingling：嗯，戴夫先生好好人啊！
PATTY开始播放节奏强劲的音乐
阿乐：喂！快D落黎一齐跳舞啦！
阿思：（大声回答）黎啦！ （转过来对lingling同嘉嘉讲）喂！我地去咯！
嘉嘉、lingling：嗯！
阿琪（远处，口里仍然塞满食物）：喂！你地咪卖甩我啊~~！
阿思、嘉嘉、lingling：快D啦！哈哈。。。。。（声音渐细）
舞池狂欢的声音

嘉嘉（跳舞中，觉得奇怪）：猫，你手上揸住既果两支野系咩黎架？
阿琪：香蕉！
嘉嘉：死咯，为食到跳舞都要揸住两条蕉响度摇？服你咯！阿乐！你等阵千其吾好同只猫跳贴身舞啊，话吾定会响距条腰度摸到件牛奶布甸架！
阿乐（反应不过来）：吓？
阿琪：阿乐吾同我跳吾通同你跳啊？瘦蜢蜢甘，抱住你都要因住D骨桔亲只手啊！
嘉嘉（怒）：你好啦吓！
阿琪：咩啊？
阿思：你两个咪嘈啦！大家一齐黎玩应该开开心心啊嘛！阿琪讲笑姐，你吾好甘小器啦。
lingling：系咯，大家好姐妹，你地吾好闹交啦。
嘉嘉（怒）：我小器？你两个都无资格话我！边个系同你地一齐黎玩啊？你地吾好忘记！我地系分开黎到呢个岛上面噶，只不过系甘岩撞到！
阿琪：当初我以为得嘉嘉一个姣婆系无咗男人会死噶姐？点知连你两个都系有异性无人性既！仲话好姐妹添！？
嘉嘉（怒）：我警告你啊！你吾好再话我系姣婆啦！如果吾系朋友都无面俾！
阿琪：车！鬼同你系朋友啊？懒熟落甘！
嘉嘉：你。。。。。。！
lingling：阿思啊，你劝吓距地啦。
阿思：甘既然大家都有吾着，过咗去咪算咯，你吾再好记响个心度啦。
阿乐（打圆场）：喂喂喂！几位小姐稍安勿燥，大家听我讲一句先。现时大家都好冲动，不如稳个地方冷静下先啦！我知道楼上有间书房，打开窗可以睇到晒成个岛既风景，不如我地上去参观吓，睇吓靓景，人都放松好多架。
嘉嘉：好，我俾面阿乐吾同你吵住！阿乐，我地上去。
阿乐：好啦，跟我黎。
阿琪：我够系俾面阿乐先吾同你计较咯！
阿思：唉，总算肯收声啦。。。。lingling，我地都上去睇吓啦。
lingling：哦。
几个人上楼的脚步声
嘉嘉：哗，阿乐，戴夫真系个有钱佬啊，连行去书房既走廊都布置得甘豪华。
阿思：同楼下既感觉完全吾同，D灯饰好有十八世纪英国皇室既FEEL，真系布置得吾错。
lingling：我甘大个女，第一次见甘豪华既屋咋！
阿琪：少见多怪啦你！
阿乐：就系呢间房嘞！
推开房门的声音
lingling：咦？乜甘黑既？快D开灯啦，我怕黑！
几声按灯掣的声音
阿乐：盏灯好似坏咗播，吾怕啦，写字枱上面好似有蜡烛，点蜡烛咯！
lingling：蜡烛。。。都好过无啦~~
阿乐：呵呵，你真系细胆嘞。
阿思：如果吾系都吾使叫距lingling啦。
划火柴的声音
阿乐：点着咗蜡烛啦，你吾使惊啦，如果你地想睇岛上既风景，就打开果边个窗啦，包你话靓啊！
嘉嘉：哦！
脚步声
推开窗户声
嘉嘉：哗！好靓！好舒服啊！
阿琪：嗯！好正！等我索返啖海风先！
嘉嘉：喂！吾好企甘埋播！家阵同你FRIEND返啊？
阿琪：超，懒有宝甘~~~！
阿思：好心你地对住D甘靓既风景，就吾好再狗咬狗骨啦。
lingling：不过呢度下面原来系悬崖黎架！从窗口跌落去就实死无生嘞。
阿思：系呢，阿乐，你点知道有个甘既地方架？
一阵风从窗口吹进来的声音
蜡烛熄灭

lingling：（尖叫）啊~~！蜡烛熄咗啊~~好黑啊！阿思！阿乐！你地响边啊？嘉嘉！阿琪啊~~~
阿思：吾好吵住啦，阿乐，点返着支蜡烛先啦。。。。。阿乐。。。。阿乐，你听到吗？应吓我啦！
嘉嘉：阿乐！你响边啊？吾好玩啦，快D点返支蜡烛啦！
阿琪：lingling你吾使惊，等阵点返着支蜡烛就无事啦，阿乐，快D啦，lingling好怕黑架！。。。。。阿乐！
阿思：阿乐可能行开咗，或者系去咗洗手间姐。阿琪，你陪住lingling先，我稳吓有无火柴，嘉嘉，不如你去稳吓阿乐啦。
阿琪：哦！lingling过黎我度，我揽住你就吾使怕啦。
lingling：嗯~~~~
嘉嘉：要我一个人去稳阿乐？有无搞错啊？
阿琪：条走廊甘光猛，你使吾使甘都惊啊，你又系lingling啊？
嘉嘉：边个话我惊啊？去咪去！
嘉嘉的脚步声
推开房门声
嘉嘉：（尖叫）啊~~~~！
阿思：叫咩啊？你真系惊啊？快D去稳阿乐啦！
阿琪：都话距细胆噶啦，又死响度撑！
嘉嘉（惊骇颤抖地）：吾。。。。。吾系啊。。。。。。。你。。。。。你地过黎睇吓。。。。。。
阿思：有咩睇啊？睇过？
阿琪：lingling啊，跟住我，过去睇吓到底有咩好值得嗌先？
三人的脚步声
阿思、阿琪（倒吸一口冷气）：吓。。。。。。。！？
lingling：（尖叫）啊。。。。。。。。。。。。。。。。。。。。。。。。。。。。。。。。。。

旁白：黎到呢度，四个女仔响书房门外见到既野，系绝对恐怖同难以想像既，原本一条布置得穷奢极侈既长廊，竟然变成一条昏暗、破旧既走廊，成间屋静得出奇，再都听吾到楼下舞池传来既音乐声同客人狂欢既尖叫声，一个钟头之前既万圣节PATTY，仿佛只系响一百年前发生过既事，而依家，就只系剩低一间年久失修既大屋。。。。。四个女仔接落黎既命运讲会系点呢，请继续留意故事结局篇。。。

第四幕
旁白：一个男仔、四个女仔，响离岛上一间充满神奇色彩既大屋里面参加万圣节PATTY，但只系短短一个开门同关门既动作之间，一间极尽奢华、宾客满堂的大屋，竟然变成空无一人、年久失修既危房，呢个男仔同四个女仔，接下黎将会响呢间屋度有D咩经历呢。。。。。

lingling：（尖叫）啊。。。。。。。。。。。。。。。。。。。。。（被阿思捂住了嘴）吾。。吾。。。。。
阿思（轻声说）：嘘！呢间屋肯定有古怪，一切事情等稳返阿乐先再讲啦。
嘉嘉（惊魂未定）：甘我地应该点稳啊？好恐怖啊~~！我地会吾会真系撞到果D野啊？
阿琪：可能之前阿乐讲既野系真噶，呢间屋既地下以前系乱葬岗啊。。。。。
lingling（挣扎）：吾。。。。吾。。。。。。
阿思（发现捂住lingling的口好久）：啊！SORRY！你无野啊嘛？
lingling：呼。。。。呼。。。。再迟D放手就局死我嘞！不如我地四个一齐稳阿乐，然后离开呢间屋啦，呢度好得人惊啊！
阿琪：lingling讲得岩，四个人一齐行动互相都有个照应，我地要尽快稳到阿乐离开呢间屋先得！
阿思：好啦，就甘决定！我地行啦。
戴夫：几位小姐想去边啊？
阿琪、lingling、嘉嘉（受惊）：啊！
阿思：边个？快D出黎！
脚步声

戴夫：系我啊，你吾认得我把声咩？阿思小姐。
阿思：戴夫先生？你出现就岩嘞，你快D解释吓点解呢度会变成甘？
戴夫：呢样野你依家无需要知道，我只系黎话你知，响凌晨六点钟之前，边个人都无可能离开呢间屋，我劝你地都系节省返D气力啦，因为接落黎既节目，会系你地从未试过甘惊险刺激噶。哈哈哈。。。。。
戴夫离开的脚步声
阿思：喂！吾好走住啊！阿乐响边啊？你快D答我啊！喂！
阿琪：吾使再叫嘞，走咗啦。
嘉嘉：甘接落黎应该点算啊？距话六点钟前吾俾走。。。。甘我地会吾会死响呢度噶？我仲未靓够啊！我吾想死住啊！
阿琪：采过你把乌鸦口！我长命百岁啊！我仲有好多好野未食噶！
lingling：总之阿思你话事啦，你话点都好，我吾想再停留响度啊，得盏闪闪吓既灯仔，好恐怖啊！
阿思：我吾理戴夫讲咩都好，我点都要搏一搏。总之只要系屋，都会有出入口，我地一齐行动，稳到个门口就离开呢度。不过要稳到阿乐先，多个人多分力啊！
lingling：好啦，甘快D行啦！阿思我跟住你。
嘉嘉、阿琪：嗯！
四人的脚步声

阿思、嘉嘉、阿琪、lingling（轻声）：阿乐。。。。。阿乐。。。。。你响边啊？听到就应吓我啦！
阿琪：呢层稳过晒嘞，都吾见阿乐人影，会吾会已经俾戴夫条变态佬。。。。
嘉嘉：你系咪甘黑心啊？咒阿乐死。。。。
阿思：我地落地下果层稳下，呢间屋得两层，如果阿乐无离开间屋既话，应该会稳到距。
lingling：阿乐会吾会已经掉低我地走咗啦？
阿思：我相信距吾系D甘既人。我地落去稳吓。
四人下楼的脚步声
嘉嘉：咦？明明间屋系得两层噶？点解会仲有一层既？
阿琪：会吾会系你记错啊？
嘉嘉：不过我当时挂住同阿乐倾计，都无留意上咗几层搂。不过头先阿思话得两层之嘛！
阿思（吃惊地）：无错，系得两层楼，但我地行黎行去都系响同一层咋！
lingling：吓？阿思你吾好吓我啦！
阿思：我无吓你，呢层既布置同之前果层相同，你地记得果盏响走廊闪闪下既灯仔吗？同我地头上呢盏系一模一样。。。。
阿琪、lingling、嘉嘉（倒抽一口凉气）：。。。。。啊！
阿思：我捻戴夫讲得岩，我地六点钟之前系出吾返去嘞。。。。
lingling（极度惊怕）：吾好！吾好！我要走！我要走啊~~~！
阿思：lingling！
lingling跑落楼梯既脚步声（由近至远再由远至近）
嘉嘉：HI，lingling，又见面嘞。。。。。
lingling：吓？我吾信！我吾信！
lingling再跑落楼梯既脚步声（由近至远再由远至近）
阿琪：好心你就吾好做D多余既动作啦。。。。。我都放弃咗咯！
lingling（哭）：呜。。。。。。哇！！点解！点解要拣中我啊！阿思点算啊？我应该点算啊？
阿思：你放心啦，无论点都好，我地四个人坐埋同一条船，大家都吾会放弃大家既，你忘记咗啦？我地系绝世好姐妹黎噶嘛！既然都走吾到，不如返书房啦，果度起码企理D。睇吓只表呢家都三点嘞，希望捱埋落去啦！
阿琪：系咯，lingling吾好喊啦，最多我将身上既两只蕉分一只俾你嘞！
嘉嘉：哗！阿琪肯分只蕉俾你喔！算大方啦，平时有野食距肯定净系留返自己架！不过果两条蕉好似系跳舞果阵揸住舞咗好耐果两条就真，哈哈。
阿琪：你理得我啊。
嘉嘉：哈哈，总之我地四个人一条心，捱过今晚距啦。
lingling（呜咽）：嗯~~~多谢你地啊。
阿思：姐妹黎架嘛！使乜讲多谢？我地行咯！
远处跑步过来的脚步声
阿乐：喂！终于稳到你地啦！
嘉嘉：系阿乐啊！阿乐！我地不知几担心你啊！你去咗边啊？
阿乐：蜡烛一熄咗我就吾见咗你地啦！间屋又变晒样，我稳得你地好辛苦！
阿思：我地都系啊！不过大家都无事就最好啦，我话过，阿乐吾会丢底我地走咗去噶啦！
阿琪：甘都算你似返个男人啦！我地准备去书房捱天光，阿乐你都一齐黎啦！
lingling：系啊，始终有个男仔响度会放心D。。。。
阿乐：甘都无理由我一个人行开噶？行啦！
五人脚步声
推开书房门
lingling：阿乐快D点着支蜡烛啦！
阿乐：哦！
擦火柴点蜡烛
阿琪：唉！有返D光都无甘惊！关返个窗啦，费事又吹熄支蜡烛。
阿思：哎？书枱面好似有本书。。。。。（拿起打开）系日记黎喔！
嘉嘉（兴奋）：日记？喂喂喂！快D读黎听吓！睇人日记好过瘾架！快D啦！
阿琪：哗！睇你兴奋得个样啊，成个师奶等住听人讲是非甘！
嘉嘉：甘系女人都中意八卦野架啦！你吾好话你吾想听啊？
阿琪：呃。。。。。
lingling：吓？睇人日记会吾会吾系甘好啊？
阿乐：系咯，始终都系人地D私隐野。。。
阿琪：咪甘婆妈啦！反正响度都系捱时间，阿思，日记到底讲咗D咩啊？
阿思：我睇过吓，都吾算好特别啊，日记系个男仔写既，讲距好中意个女仔，经历咗好多野，终于都可以同距响埋一齐，然后好开心甘诸如此类，拍戏成日都有既。。。。。。。咦！？
嘉嘉：咩啊咩啊？系咪有新发现啊？讲黎听吓啦！
阿思：呢度系甘写既：10月10日，我同班朋友出去饮酒，朋友话我系老婆奴，自从同阿静拍拖之后都吾敢同班兄弟出黎玩，我否认，出于面子问题，我话可以证明我吾系老婆奴。之后我打咗个电话，要阿静以最快速度赶过黎，否则就同距分手，距话立即过黎。放低电话果一刻，朋友佩服既目光令我沉浸响成功同快乐之中。但过咗好耐，阿静都无出现，我好嬲，距令我响班朋友面前无晒面！我响朋友既笑声中离开，要去到阿静屋企问吓距点解吾出现，但去到距屋企门口时，我见到阿静既父母好匆忙甘出门，我问咩事，距地话医院打电话黎，话阿静因为过马路匆忙无留意交通灯，俾车撞到。。。。。去到医院时，阿静已经抢救无效，离我而去。。。。。
阿琪：吓？有D甘CHEAP既男人都有架？我见到距实CALL成班妇联打锅距！
嘉嘉：喂！咪吵住啦！阿思日记仲有无写落去啊？
阿思：有，呢度系甘写：我一个人对住阿静既遗体，四周既空气好似都凝固咗落黎，几个钟头之前仲系一个活泼阳光既少女，因为我既任性，为咗我果D不值一钱既自尊，依家再都吾可以呼吸，我再都听吾到距成日同我讲既果句‘我好中意你，你中意我吗？’我好后悔！真系好后悔！我亲手害死咗自己最爱既人！我呢一世都吾会原谅我自己！
lingling：其实呢个男仔都好爱呢个女仔啊，不过结局真系好惨。。。。。。。。。
嘉嘉：呢个男仔都系一时贪玩先搞出甘大件事姐，女仔就离开咗距，而距就要受到良心一世既谴责。。。。。。
阿思：系啊，一世痛苦比死更惨啊！咦？日记最后一页仲有写野喔：10月30日我决定。。。。。
风吹灭蜡烛
lingling：（尖叫）啊~~~~~！蜡烛又熄咗啦！
阿琪：你咪叫住先啦！奇怪？头先明明关好咗窗架啦？
嘉嘉：梗系你无关实啦！阿乐，麻烦你再点多次蜡烛啦！
阿乐：吓？我头先点蜡烛果支火柴已经系最后一支啦。甘大家惟有倾下计解闷啦！
阿思：咪住！你地吾觉有D吾妥咩？本日记提到10月30号，甘咪即系万圣节？可能同我地今日发生既事情有关都吾定播！
嘉嘉：有道理！但家阵黑妈妈，都睇吾落去嘞。
阿思：出去走廊！果度有盏灯仔，加埋D月光应该可以睇埋落去啦。
lingling：喂！你地等埋我！
阿乐：你地吾好出去啊！可能会有危险架！
阿琪：一个人留响度咪仲危险？你食蕉吗？俾半只你嘞？
阿乐（无奈）：YE~~系跳舞果阵你揸住果只啊？吾要啊！
阿琪：你吾要我要！喂等埋我啊！（吃蕉中）啧啧啧。。。。
四人出去的脚步声
翻开日记声
嘉嘉：阿思快D读啦！好心急啊！
阿思：10月30日，我决定吾再受呢种折磨啦！我既良心日日都响度责罚我，我晚晚都梦到阿静问我点解要害死距，我吾可以再继续啦！希望窗下面既悬崖，可以帮我脱离苦海。。。。。。乐（颤抖）绝笔！
嘉嘉（寒）：吓~~？乐？
阿琪：甘岩姐吓话？
阿乐（鬼声）：我都叫你地吾好睇我本日记啦。你地又吾听！
嘉嘉：啊~~~~吾好过黎啊！
阿琪：啊~~~~你吾好以为我怕咗你啊，呢度假假地都有盏灯仔架！
lingling（超高分贝）：啊~~~~~~~~~~~~~~~~~~！
玻璃爆裂声
阿琪：死嘞，连最后一盏灯都爆埋！死lingling！明知自己系女高音仲马大喉咙嗌！依家点算呢？
阿思（颤抖）：阿。。。。阿乐，你想点啊？
阿乐（鬼声）：对吾住，我厄咗你地，由于我既心结始终未能够解开，所以死后无办法轮回，只能够响呢个岛上面游离，上次我去海边，竟然俾你地睇到，好多年无人睇到过我啦，我好寂寞，所以就同你地一齐玩咗一段时间，但竟然俾死神知道咗，仲逼我响万圣节再次约你地过黎，如果我吾照做，距就会钩咗你地四个既魂魄，所以我。。。。。。虽然我吾知死神有咩目的，但我已经害死咗阿静！我真系吾想再伤害你地！希望你地原谅我。。。。。
阿思：死神系。。。。。戴夫？
阿乐：无错，因为死亡既英文系DEATH，所以距叫自己戴夫。
嘉嘉（仍然有D惊）：甘我地之前见到果D宾客。。。。
阿乐：都系幽灵。。。。。系死神带距地翻人间狂欢既，一年就只有万圣节一日。
阿琪：甘我头先食既果D野系咩啊？
阿乐：都系D坟墓前供奉既点心，不过好似都摆咗好多年。。。。。
阿琪：呕~~！你条友害死我啦！快D帮我CALL白车！
阿思：既然你都吾系有恶意，只系为咗保护我地，甘我点会怪你啊？
lingling：虽然我好怕鬼，但我知道阿乐你系好鬼黎，如果吾系，响暑假既海边，你吾会笑得甘真噶！我信你！
阿琪：虽然你搞到我食咗甘多过期食品，但我出咗名系LJ焚化炉啦！应该无事既，我原谅你啦！
嘉嘉：等我仲捻住同你有机会发展添，讲甘耐原来已经有咗心上人，仲要系爱到为情自杀果只~~无计啦，我认输系啦！不过既然你肯认错，本小姐都好大方既！原谅你啦！
阿乐：多谢你地！就快天光啦，间屋既门会出现，捱多阵就得啦！
死神：想走？几位小姐既任务未完成，点可以甘快走啊？
阿乐：死神！？
阿思、嘉嘉、阿琪：吓？一、二、三。。。。
lingling：（尖叫）啊~~~~~~~！
阿思、嘉嘉、阿琪：唉！无惊喜！
lingling：甘人地细胆啊嘛！
死神：哈哈哈，除咗lingling，其他三位小姐好似都吾系好惊我甘播！
阿琪：搞咗成晚，原来一直响身边既果个男仔系只鬼喔，家阵见到咩都无知觉咯！
嘉嘉：系咯！加上我地之前已经知道你系死神添！仲惊咩啊？
死神：好似几位小姐既感情仲好咗添播？琴晚仲响度争风呷醋呢！
阿思：你吾好挑拨我地姐妹间既感情，讲！你到底想点？
死神：哼哼~~~~！
阿乐：你吾好打算伤害距地！
死神：哦？挡我？你吾怕魂飞魄散？
阿乐：我就算魂飞魄散都要保护距地！我已经错咗一次！我绝对吾会俾自己再错多一次啦！
lingling：阿乐。。。。我支持你！
阿思：最细胆既lingling都吾怕！我怕咩啊？我地同你同一阵线！
阿琪：听讲人死果时都系行吓条白光隧道姐，讲吾埋隧道对面有好野食都吾定！阿乐，我一于撑你！
嘉嘉：虽然我未靓够，但永远保住自己最靓个样都吾错！死就死啦！有机会同死神打交都算死而无憾嘞！
阿乐：多谢你地！我吾会再迷惘噶啦！
死神：太好啦，几位小姐勇气可嘉！
死神一挥衣袖的声音
阿乐：啊。。。。。。啊！？
阿思、嘉嘉、阿琪、lingling：阿乐！！！
阿思：你对阿乐做过D咩啊？点解距会开始消失架？
死神：你地既任务已经完成嘞！
阿思：咩任务啊？
死神：帮阿乐解开心结，等距可以转生为人，因为我知道你地阴阳相隔都见到阿乐，就即系同距相当有缘，你地一定可以帮到距。而每一年万圣节太阳出黎既时候，灵界之门先会打开俾万圣节重返人间狂欢既幽灵返去，甘我先有机会带阿乐去灵界转生，所以。。。。。。。
嘉嘉：所以你就安排我地参加呢个PATTY，用呢个机会帮阿乐解开心结咯！
阿琪：等我仲以为你系奸既添。
死神：时间快到啦！你地有咩想同阿乐讲就快D啦。
阿乐：好多谢你地俾咗个转生既机会我，我。。。。。。。
阿思：吾需要讲多谢，你都令我地更珍惜彼此之间既友谊。
嘉嘉：嗯！我会挂住你噶！不过你无机会做我男朋友咯！哈哈。。。。
阿琪：呵呵！我实会记住有只鬼请过我食过期点心架！如果有下一世，记得做厨师，煮返D好野俾我食啊！
lingling（哭）：呜~~~~阿乐！保重啦！我好吾舍得你啊！
阿乐（想哭）：我走啦，希望你地都可以幸福！万圣节快乐！再见！
阿思、嘉嘉、阿琪、lingling：祝你幸福！万圣节快乐！BYEBYE！
死神：哈哈，死神从来都系无人祝福噶喔，算啦！下年万圣节可能又会见到我~~~~哈哈哈（越来越远）
旁白：呢个万圣节故事，吾知有无感动到你呢？无论点都好啦！祝各位万圣节快乐！