粤语学习网(学说广东话)
网站首页 粤语教程 粤语歌曲 粤语广电 潮汕话 客家话 上海话 闽南语 四川话 重庆言子 湖南话 温州话 宁波话 其他

粤语

粤语,又叫广东话、广州话、广府话、白话,英文叫Cantonese,系广东(粤系广东嘅第二个名)加埋部份广西、香港、澳门讲嘅话,喺东南亚地区同埋一啲粤人移民地方都有人讲。

语言学入边,粤语系种声调语言,属汉藏语系汉语族。粤语有四大片:粤海片、四邑片、桂南片、高阳片。广东地区系粤语发源[未记出处或冇根据],粤海片一般被当做标准粤语嘅基础。

人口方面,旧时统计有6600万人讲各种口音嘅粤语,全球排十六位;亦有啲统计数字话粤语使用人口有1亿2千万1。虽然粤语响中国大陆冇法律地位,之但系广东地区开放历史有几百年,经济发展先过内陆,加上有香港经济同文化发达,令粤语有好大影响力,成为香港文化同粤文化嘅根基。由18世纪开始,因为大量讲粤语嘅人移民行出国,令粤语成为海外华人之中比较多人讲嘅语言。

岭南地区,粤语沿珠江各支流散佈,可以分做六个区:西江/珠江、浔江/郁江、北流江/南流江、南江/鉴江、漠阳江、潭江。前便四个水路交频繁,可以互通;后便两个因为水系分隔,互通较为困难。

广州由于系粤语发源,所以广州嘅粤语可以算系粤语标准嘅基础,而由于香港所用嘅语言一样系广州话,加上香港对外交流频繁,同系讲广州话嘅香港,通过大量粤语流行曲,电视剧,电影,对粤语发展同弘扬有好大嘅影响。

粤语简史

粤语嘅发展史,同岭南史系息息相关。而历史可以追到公元前,秦国南攻百越嗰阵。秦始王先后两次平定百越,好多中原汉人移民到岭南,汉越杂处之下,古粤语就开始形成,之后一路喺几个朝代都有人喺中原南下,嚟到岭南,而且仲好多都系名门望族,或者系文人雅士,古粤语就系咁样影响之下,慢慢咁变成而家嘅粤语。

粤语嘅特点

1.古汉语嘅元素

粤语保留左大量古汉语嘅成分,主要表现喺语音、词汇、语法等方面。

2.音调

标准粤语/粤语广州话保留左好多古音,例如“我”同埋“饿”两字嘅舌根鼻音声母“ng-”保留左中古疑母嘅原始发音。

声调方面,标准粤语完整保留左中古汉语中,平、上、去、入各分阴阳嘅调类格局,而且仲喺阴入之中衍生出一个中入调,系保留古汉语入声较为完整嘅语言(喺诸闽语中,仲有混合入声,睇闽南语),对于读出声同埋研究中国古诗词等文学作品,有重要嘅作用。标准粤语包含 -p、-t、-k、-n、-m、-ng 六种韵尾,冇汉语北方话所有嘅卷舌音、儿化、轻声呢啲现象(呢啲北方话特徵都系喺中古之后发展形成嘅,标准粤语并冇跟北方方言咁变)。

3. 词汇

粤语保留多啲古词古义,而且好多词语,包括助语词,都可以直接喺古汉语嘅典籍里面搵到来源。喺汉语北方话中,呢啲古词已经被废左唔用或者好少用。

好似粤语讲“黐”唔讲“粘”,用“差人”或“差佬”/“差婆”嚟讲“警员”咁;又好似粤语成日喺句尾嘅语气助词“忌”(而家成日写做“嘅”),喺《诗经.国风.郑风.大叔于田》有“叔善射忌,又良御忌”嘅表述;再例如打甂炉(北方话嘅食火锅),“甂炉”系一种古炊具;“牙烟”(即“崖广”,意思系危险,古文中原意为“悬崖边嘅屋仔”,其中,“广”同埋“广”喺古代汉语中系唔同嘅字,表达唔同嘅意思,前者就系“屋仔”之意。悬崖边嘅屋仔,危险咁解。);“濿浙”(读“湿懠”,现粤语中意为“遇到麻烦”、“麻烦”;来源于古书中形容衣衫尽湿喺水中行走嘅声音)咁嘅词;重有,现代汉语嘅“行”同埋“走”嘅意思基本上冇分别,但系广州话当中,“行”就系步行,而“走”保留左古汉语中“跑”嘅意思。但系随著汉语北方话喺广东地区嘅推行同埋外来人口嘅影响,好多广州话保留下嚟嘅古语词彙已经用少左。

4.语法

粤语中成日见到修饰摆喺后面同埋倒装之类修辞。“公鸡”调转成“鸡公”,“要紧”调转成“紧要”,“离奇”调转成“奇离”,“沉吟”调转成“吟沉”,“乾菜”调转成“菜乾”,“羹匙”调转成“匙羹”等。由于粤语语法里面有好多修饰成分倒置嘅现象(系唔系北方话之后倒装呢?),因此产生左好多好特殊嘅句式。例如北方话“怪不得”;粤语就讲“唔怪之得”或者“怪唔之得”。又好似北方话嘅“我先走了”;粤语就讲“我走先”。呢啲都系古汉语特徵嘅遗留。

5.古百越话元素

古代南迁到岭南地区嘅汉人同埋百越土著长期杂居,彼此间语言、文化、习俗等各方面唔觉意就相互渗透。粤语既有古汉语成分,又有古代南越语成分,系两个民族相互融合嘅结果。现代粤语里面仍然有好多古代南越语嘅成分,主要表现喺词汇方面。

6.外文词

粤语嘅应用一直系充满活力,外文丰富左粤语嘅词汇,喺商业为重嘅香港,睇到用辞嘅演变,好似以前啲美容广告用“减肥”做标题,跟住变做“瘦身”、“纤体”。有啲公司管理人员甚至用“瘦身”一词来代替“裁员”。

粤语好多词来自英文。香港人讲野时成日用英文单词,好似快劳(file,读做“fai-lo”)即系公文夹;铺头仔叫“士多”(音似英文:store);男警员或男先生叫“阿 Sir”;女警叫“Madam”、女先生叫“Miss”,开工加班叫“开OT”(Overtime)等等。虽然通常英文发音会用中文字代入,但香港人有时会直接用英文字,如“感觉”叫 feel,亦冇用中文字,但跟粤语读音习惯,feel 一般读做 few,无 L 尾音,fax 读成“fak-si”加重尾音,而且影响埋广东粤语区。

由1980年代开始,香港、珠三角等粤语区同埋中国大陆其他地方交流多左,唔少粤词入埋北方话,例如 巴士(bus)、“贴士”(tips)。有时,呢啲词喺北方话会变身,例如粤语“搭的士”,“飞的”(即系“搭开得好快嘅的士”,“飞”有“飞咁快”嘅意思,简称“飞的”)喺北方话变左做“打的”。

粤语同北方普通话嘅比较

粤语喺变化发展过程中亦不断出现好多同汉语北方话唔同嘅特有词汇,呢啲词汇有好多重沿用至今,系粤语嘅另一特色。日常用语中粤语同北方话唔同嘅词彙可多达 50% 以上。喺科学技术领域,两者唔同嘅词彙就比较低,细过 10%。有啲词彙喺北方会倒转写,例如“私隐”喺北方话就叫“隐私”。

粤语嘅音系

粤语有相当复杂嘅声调系统,同北方话(官话方言)嘅差别非常大。喺粤语中相当完整咁保留左古汉语嘅入声,而且仲由阴入、阳入分化出中入。标准粤语有九个声调,分别系:阴平、阳平、阴上、阳上、阴去、阳去、阴入、中入、阳入。关于粤语嘅发音同埋拼写,详见粤语罗马化方案(粤语拼音或粤语罗马字)、粤语发音。

粤语嘅书写

粤语源自古汉语,除左一啲近年受西方文化影响而创嘅词语,例如话“去 wet”、“去 hea”,用中文字都写得出。

清代嘉庆年间已经有人用粤言入诗,啲人将呢啲粤语诗收集埋,出左套《粤讴》诗歌集。

之后写粤语嘅人又创左套“三及第”嘅文体 -- 即系文言、粤文、白话文(国语)夹埋写,1940、1950年代广府文人就成日用呢种文体写野,嗰阵好多广州报纸、小说,都用“三及第”,后来好多广州写稿佬到左香港,带埋呢种文体去,香港报纸亦开始有人写[3],1905年郑贯一出版嘅《有所谓报》,就系用三及第写 [4]。

近几廿年,香港有啲娱乐媒体用晒粤语写,例如有70年代到90年代好流行嘅香港漫画,好似《寿星仔》、《玉郎漫画》咁,入面嘅对白同专栏,都系地道嘅粤语。

到左电脑时代,好多粤字大五码系统一开始时无收,写粤文好唔方便。香港政府早年曾整过套香港增补字元集,收录左扩增粤字约5000字左右),如“啲”、“嘅”、“攞”、“揸”、“野”、“冚”。喺最新一版嘅增补字元集中,重收埋一啲所谓嘅“粗口字”。用呢套字元集,大部份粤语都写得出。

因为唔系所有电脑都装左广东话增补字集,有人喺打唔出粤字时,会用英文嘅“o”来代替口字边,写“啲”、“嘅”、“野”成“o的”、“o既”、“o野”等等。

八十年代开始,好多语言学者考证过粤语本字。但系本字好多太僻,学校亦都唔敎,所以一般大众都好少会用。

粤语方言片

粤语内部由于地理分佈而造成唔同地方有唔同语言特点,主要分4片[5]:

1.粤海片:主要分佈喺广东省珠江三角洲、粤中、粤西南部同部分粤北地区,粤海片系最多人用,最通行、最有代表性同最大影响嘅粤语,以广州话代表。
  2.四邑片:主要分佈喺台山、开平、恩平、新会、斗门等县,以台山话代表。
  3.高阳片:主要分佈喺湛江市、茂名市所属各县同江门市所属嘅阳江县同埋阳春县,以阳江话代表。
  4.桂南片:主要分佈喺广西壮族自治区邕江、郁江、浔江沿岸嘅南宁市、横县、贵港市、桂平市、平南县、藤县、苍梧县、梧州市,另外仲有玉林市、北流市、容县、博白县、陆川县、防城港市、东兴市、钦州市、合浦县、浦北县、灵山县、北海市、岑溪县、昭平县、蒙山县、贺州市、锺山县,佢嘅语音比较一致,只系得小小分歧,主要以南宁话代表。

桂南片根据内部一啲异同,又可以细分为四个方言小片﹕广府片、邕浔片、勾漏片同钦廉片。

粤语嘅影响力

由于中国移民海外嘅人之中,有相当比例来自粤语区,令粤语成为大多数海外华人社区之中,其中一种流行语言。

而喺香港同埋澳门,市民日常交流,到学校教育、工商行业,到政府办公、立法会选举;到科学研究、新闻传媒、大众娱乐,都系主要用粤语,其次系英语。同时香港大众媒体同埋娱乐事业嘅繁荣,亦令到粤语嘅文化散佈到全世界。

粤语教程

粤语拼音学习  粤语会话三月通视频教程  流行粤语快速入门  实用广州话300句mp3
即学即用广东话mp3  Cantonese Learning  学讲广州话MP3