甲：王小姐，侬好。
乙：噢，是徐经理啊？侬好，侬好！
甲：长远呒没看见了，想勿到王小姐还是迪能漂亮。
乙：勿要开玩笑了，倒是徐经理越来越潇洒了。
甲：王小姐现在勒拉啥地方上班？
乙：超市里当营业员。
甲：蛮好。待遇哪能？
乙：马马虎虎，还可以。
甲：侬爸爸身体好伐？
乙：伊满好，快60岁了，还像小青年一样，精神老好的。
甲：是伐？侬爸爸是我老领导了，向伊问问好。
乙：谢谢，我一定转告。
甲：侬妈妈好伐？
乙：妈妈上个号头住了一趟医院。
甲：哦？！啥个毛病？
乙：心脏勿太好。
甲：要紧伐？
乙：勿要紧。现在已经好了，勒拉屋里厢休息。
甲：希望伊多保重，有机会我去看伊。
乙：徐经理，侬老忙咯，勿要再操心了。
甲：迪个是应该的。
乙：对了，玲玲搭佳佳还勒拉侬公司里上班伐？
甲：当然勒拉，伊拉工作老认真的。
乙：阿拉已经半年多呒没碰头了，代我问问好。
甲：好的，侬有空到公司里来走走。
乙：一定来。好，徐经理，再会。
甲：王小姐，再会。